تېر جمهوري حکومت کې د ملي امنیت پخواني رییس رحمت الله نبیل د نجونو پر وړاندې د طبي انستیتیوتونو د تړلو په غبرګون کې لیکلي، چې دې ډلې یو وار بیا وښوده چې نه یوازې د زده کړو او پرمختګ دښمنان دي، بلکې له زمان او تاریخ سره په نه منونکي جنګ کې ښکېل دي.
د هغه په خبره، دا پرېکړه نه یوازې د افغانستان د ښځو او نجونو راتلونکی له منځه وړي، بلکې د دوی د ظالمانه واکمنۍ عمر هم را لنډوي.
نبیل زیاتوي طالبان په دې کړنو سره د خلکو د غوصې او ویښتیا تخم کري او لرې نه ده چې دا خلک به یوه ورځ دا تیاره د عدالت په رڼا بدله کړي.
