د کابل لپاره د ایران نوي سفیر ویلي، هڅه کوي، چې له ایران څخه د افغان کډوالو د را اېستلو بهیر قانوني کړي.
هغه نن د کابل هوايي ډګر کې خبریالانو ته ویلي، د خپل ماموریت پر مهال به د تهران او کابل د اړیکو پراختیا لپاره کار وکړي.
رضا بېګدلي دغه راز په غیر قانوني ډول ایران ته له ورتلونکو افغان کډوالو هېله کړې، چې خپل سفر په قانوني ډول ترسره کړي.
د یادونې ده چې علي رضا بېګدلي څو ورځې وړاندې د ایران د سفیر په توګه معرفي شو، چې نن سهار کابل ته را ورسېد.
