د طالبانو حکومت د کورنیو چارو وزارت د ملګرو ملتونو د هغه راپور چې ویلي وو، افغانستان کې نشهیي توکو کې د ۲۰۲۳ کال پرتله دېرش سلنه زیاتوالی راغلی، غبرګون ښودلی.
د طالبانو د کورنیو چارو وزارت ویاند عبدالمتین قانع ویلي، چې د دوی حکومت د نشه یي توکو د له منځه وړلو لپاره تر خپله وسه هڅه کړې ده.
نوموړي ویلي، چې دوی د ملګرو ملتونو وروستۍ څرګندونې او ادعا په کلکه ردوي او له حقيقته يې لرې ګڼي.
عبدالمتین قانع دغه راز ویلي، چې نړیوالو هېوادونو د بزګرانو لپاره د بدیل معیشیت د برابرولو په برخه کې هېڅ مرسته ورسره نه ده کړې او په وینا یې د دوی حکومت دې برخه کې یواځې پرېښودل شوی.
