د بشري حقونو سازمان “ههنګاو” وایي، چې ایران یو ۲۷ کلن افغان وګړی اعدام کړی دی.
دغه سازمان ویلي، چې اعدام شوی کس نظام الدین نورالحق نومېږي او د مزار ولایت څخه وو، چې تېر کال د ایران د قضايي ادارې له خوا د “قصدي وژنې” په تور په اعدام محکوم شوی و.
یاد سازمان زیاته کړې، چې نوموړی د شنبې په ورځ د شیراز په مرکزي زندان کې اعدام شو.
د یادونې ده، چې په روان کال کې په ایران کې د اعدام شویو افغانانو شمېر ۶۳ تنو ته رسېدلی دی.
