د روسيې د بهرنيو چارو مرستيال وزير اندري رودېنکو وايي، هېواد یې لا هم د طالبانو د رسمیت پېژندنې په اړه کومه پرېکړه نه ده کړې.
نوموړې ویلي، لاهم د ترهګرو ډلو له نوملړ څخه د طالب چارواکو د نومونو لرې کولو بهیر دوام لري، چې په خبره یې دا چاره به د مسکو او کابل په اړیکو ځانګړی اغېز ولري.
اندري زیاتوي، لاهم وخت شته چې دوی د طالبانو د رسمیت پېژندنې لپاره اقدام وکړي؛ خو ټینګار کوي چې دوی په تدریجي ډول عمل کوي.
د یادونې ده چې روسیې تر دې وړاندې ټول شموله حکومت د طالبانو د رسمیت پېژندنې لپاره د مهم شرط په توګه یاد کړی دی.
