د امریکا نوي ولسمشر ډونالډټرمپ ویلي، چې سوزي وایلز به د سپینې ماڼۍ د کارکوونکو د مشرې په توګه وګوماري.
ډونالډ ټرمپ په یوه بیان کې ویلي، چې سوزي وایلز له ده سره مرسته وکړه چې، د امریکا په تاریخ کې تر ټولو ستر سیاسي بري ته ورسېږي.
د یادونې ده چې د امریکا په ټاکنو کې له بري وروسته سوزي وایلز د ټرمپ لومړۍ ګومارنه ده او هغه به لومړنۍ ښځه وي چې د سپینې ماڼۍ د کارکوونکو مشري کوي.
وایلز د ټرمپ د انتخاباتي کمپاین یوه له دوو مدیرانو څخه وه.
