خوست کې د غرغښت په نوم د یو محلي ټلویزون خپرونې وتړل شوې.
سیمهییزو سرچینو حماسه میډیا ته ویلي، چې په خوست کې د تصویر او ویډیو له بندیز سره د دغه ټلویزون نشرات له ننګونو سره مخ و او د همدې بندیزونو له کبله اداره د خپرونو بندولو ته مجبوره شوه.
دا په داسې حال کې ده، چې په دې وروستیو کې د طالبانو له لوري د ساه لرونکو پر تصویرونو د بندیزونو له کبله ولایتونو کې یو شمېر محلي تلویزونونه تړل شوي.
که څه هم په مرکز کابل کې تصویري رسنۍ لاهم فعاله دي؛ خو طالبان وایي، د امربالمعروف په نوي قانون کې د ساه لرونکو پر تصویر د بندیز ماده به په تدریج سره عملي شي.
