د طالبانو د اطلاعات او کلتور وزارت وایي، تراوسه یې له بازارونو ۴۰۰ عنوانه کتابونه راټول کړي.
یاد وزارت ویلي، چې دغه کتابونه د افغانستان له ملي ګټو او اسلامي ارزښتونو سره په ټکر کې دي.
د طالبانو حکومت ویلي، چې له دوکانونو او خپرندویه ټولنو څخه د راغونډو شویو کتابونو په بدل کې هغوی ته نور کتابونه ورکوي.
د دوی په وینا، د راغونډو شویو کتابونو په بدل کې قرانکریمونه او تفسیرونه دوکاندارانو ته سپارل کېږي.
