وروسته تر هغه چې د ایران په سراوان سرحدي سیمه کې ایراني پوله ساتو ځواکونو ۲۶۰ افغان کډوال ووژل، تازه د دغه هېواد د پولیسو قومندان قاسم رضایي له خپلو وګړو غوښتي چې د غیر قانوني کډوالو د راټولېدو او ځای په اړه دې د پولیسو شمیرې ته خبر ورکړي.
قاسم رضایي له ایسنا خبري اژانس سره په خبرو ویلي چې په هر هیواد کې د بهرنیو وګړو غیر قانوني اوسېدنه جرم دی او دا مسئله زموږ په هیواد کې هم همداسې ده.
نوموړي ویلي، کوم کسان چې په قانوني توګه ایران ته راغلي وي، زموږ مېلمانه دي او دا مسئله هیڅ ستونزه نه لري.
رضایي دغه راز ویلي، چې هغه کسانو سره به قانوني چلند وکړي چې بهرنیو اتباعو ته کار ورکوي.
