د غزې د روغتیا وزارت ویلي چې د روانې اوونۍ د یکشنبې له ورځې راهیسي د اسرائیلو د بریدونو په پایله کې ۵۴ کسان وژل شوي.
د سرچینې د معلوماتو له مخې، ۴۰ مړي له جبلیه سیمې او ۱۴ نور د غزې له شمالي سیمو ورلېږدول شوي دي.
په ورته مهال د اسراییلو د پوځ ویاند دانیل هګاري ویلي، چې جلیله کې یې د حماس په بیا تنظیم شویو ګروپونو عملیات کړي.
د یادونې ده چې پر غزې د اسرائیل د بریدونو د پیل راهیسې تر۴۲ زرو ډېر کسان وژل شوي.
