د ایران ولسمشر مسعود پزشکیان نن د حکومتي پلاوو په غونډه کې د حسن نصرالله وژل کیدو ته په اشارې سره وویل، چې دغه ډول جنایت یو ځل بیا ثابته کړه چې دغه جنایتکار رژیم(اسرائیل) هیڅ نړیوالو معیارونو او چوکاټونو ته غاړه نه ږدي.
ښاغلي پزشکیان ویلي، چې د امريکا او اروپايي هېوادونو د مشرانو هغه ادعاوې، چې د اسماعيل هنيه د وژنې په غبرګون کې یې د اوربند لپاره ایران پر اسرائیل له برید منعه کړ، په بشپړه توګه دروغ ګڼلي دي.
پزشکیان چې په دې غونډه کې یې څنګ ته د حزب الله د مشر حسن نصرالله عکس هم ایښی و، زیاته کړې چې په دې جګړه کې باید لبنان یوازې پاتې نه شي، څو دغه ظالم رژیم د مقاومت د محور پر هېوادونو تېری وکړي.
