د طالبانو حکومت د بریکس سازمان د مشرانو په ناسته کې د خپل ګډون غوښتنه کړې.
دوی د ولادمیر پوتین سکرتر ته په یو لیږلي لیک کې ویلي، چې د دوی اقتصادي مرستیال ملاعبدالغني برادر ته باید په دغه ناسته کې د ګډون وخت ورکړل شي.
روسیي رسنۍ ویلي، چې دا لیک د طالبانو اقتصاد وزارت د سرپرست له لوري ور لېږل شوی.
ټاکل شوې، چې د بریکس سازمان مشرانو ناسته به ۲۲ د اکتوبر د روسیې په کازان ښار کې پیل شي او دوه ورځې دوام کوي.
افغانستان هم د دغه سازمان غړیتوب لري.
