خوست کې د طالب سرتېرو او پاکستاني ځواکونو ترمنځ نښته شوې.
دغه نښته د خوست په غلام خان بندر کې د طالب سرتېرو او پاکستاني ځواکونو ترمنځ پرون له یوې وقفې وروسته د شپې تر ناوخته پورې روانه وه.
د دواړو لوریو د دغه نښتې د مرګ ژوبلې ډېر جزیات نه دي ورکړل شوي؛ خو پرون د غلام خان بندر د طالبانو کمیسار بلال جان وردګ د جګړې له پیلېدو وروسته رسنیو ته د یو طالب سرتېري د وژل کېدو خبر ورکړی.
ځایي سرچینې وایي، چې ددغې نښتې له کبله له شاوخوا سیمو ځینې خلک د کورونو پرېښودلو ته اړ شوي دي.
