میدان وردګ کې د ټرافیکي پېښې له امله ۶ کسانو مرګژوبله اوښتې.
د یاد ولایت د طالبانو امنیه قومندانۍ وایي چې دا پېښه د یو بار وړونکي او فلډر موټر ترمنځ د ټکر له امله رامنځته شوې چې له امله یې د يوې کورنۍ درې غړي مړه او درې نور ټپيان شوي دی.
پېښه نن سهار شاوخوا څلور بجې د کابل – کندهار پر لویه لار د مرکز ميدان ښار اړوند تورو تیږو سیمه کې رامنځ ته شوې ده.
د سرچینې د معلوماتو له مخې، په مړو شویو کسانو کې پلار، مور او لور شامل دي.
