په داسې حال کې چې د طالبانو حکومت وایي، د امریکا په ګډون له ټولې نړۍ سره غوره اړیکې غواړي؛ خو د امریکا د ولسمشرۍ ټاکنو ته نوماندې کاملا هرېس د لومړي ځل لپاره طالبان یوه تروریستي ډله وبلله.
هغې ویلي، دا د ټولې نړۍ پر وړاندې یوه ترهګره ډله ده.
هرېس د دوحې پر تړون نیوکه کړې او ویلي یې دي چې ټرمپ په یادو خبرو کې افغان حکومت څنډې ته کړی وو.
د هغې به خبره، نوموړي د افغان حکومت پر ځای طالبانو ته وخت ورکړی و او په دې برخه کې ورسره نور چارواکي هم شریک وو.
د نوموړې په دې څرګندونو سره ښکاري چې هرېس به د بریا په صورت کې د طالبانو حکومت پر وړاندې د امریکا اوسنۍ تګلاره بدله کړي.
