د طالبانو حکومت مشر ملا هبتالله اخندزاده وايي، که اوسنی نظام په عدل ولاړ و او په انصاف سره یې فیصلې کولې؛ نو دا نظام به تر قیامته پورې پاتې وي.
هغه په بلخ کې مسوولینو ته ویلي، که په دې نظام کې قانون یوازې په غریبو پلې کېده، عدالت له منځه لاړ، زورور له هرڅه بېغمه وي؛ نو دا نظام به چپه شي.
د یادونې ده چې د طالبانو حکومت مشر تر دې وړاندې هم په خپلو ویناوو کې مسوولینو ته ویلي، چې له کبر ډډه وکړي او د خلکو پر مخ خپلې دروازې خلاصې پرېږدي.
