د ایران د اسلامي شورا استازي فداحسین مالکي ویلي، طالبانو لاهم د دوی حقابه نه ده ورکړې.
د ایراني رسنیو د راپوورنو له مخې، هغه څه چې د حقابې په نوم دوی ته ورکړل شوي؛ په حقیقي معنی سیلاب وو، نه حقابه.
د طالبانو حکومت تر اوسه په دې اړه څه نه دي ویلي؛ خو تر دې وړاندې یې ویلي وو، چې د ایران حقابې ته ژمن دي.
د یادونې ده چې د هلمند په سیند کې د ایران حقابه یوه جنجالي موضوع ده، چې ایران پرې هر وخت توند غبرګون ښيي.
