حالوش اژانس خبر ورکړی، چې ایران نن سهار د یو افغان په شمول شپږ تنه اعدام کړي دي.
یاد کسان د ایران په زاهدان ښار کې اعدام شوي.
د سرچینې د معلوماتو له مخې، دغه کسان د نشهيي توکو پر قاچاق تورن وو.
حالوش لیکلی، په اعدام شویو کسانو کې څلور نفره بلوڅان او یو د نور محمد نورزي په نوم افغان دی، چې د نیمروز ولایت اوسېدونکی دی.
دوی د شپږم کس په اړه څه نه دي ویلي.
د یادونې ده چې ایران په تېرو اتو میاشتو کې تر سلو ډېر کسان د نشهيي توکو او بېلابېلو جرمونو په تور اعدام کړي.
