د بشري حقونو لپاره د ملګرو ملتونو عالي کمېشنر، ولکر ترک، ويلي چې طالبان لا هم هڅه کوي ښځې له ټولنې وباسي.
هغه د ملګرو ملتونو د بشري حقونو ۵۹مې غونډې ته وويل چې ښځو ته نه له کور څخه د وتلو، نه د غږ پورته کولو او نه هم نجونو ته د لوړو زده کړو اجازه ورکول کېږي.
د یادونې ده، چې دا ناسته نن پیل شوه، چې په کې د امریکا، سعودي، ترکیې، قطر او ملګرو ملتونو لوړ پوړو چارواکو برخه اخیستې.
ټاکل شوې، چې په دې ناسته کې د افغانستان په اړه پر یو شمېر موضوعاتو خبرې وشي.
