د روسیې د بهرنیو چارو وزارت ویاندې ماریا زاخارووا ویلي، مسکو چمتو دی د استانبول د هوکړې له مخې د ۶ زره اوکرایني سرتېرو جسدونه کییف ته وسپاري.
نوموړې ویلي، تر اوسه یې ۱۲۱۲ جسدونه د بلاروس او اوکراین ترمنځ ټاکل شوې سیمې ته لېږدولي، خو اوکراین له منلو یې انکار کړی دی.
روسیه او اوکراین څه موده مخکې د خپلو وژل شویو سرتېرو د تبادلې هوکړه په استانبول کې کړې وه.
زاخارووا له اوکراین غوښتي چې د دغه توافق د پلي کېدو لپاره همکارۍ ته چمتو شي.
