اسراییلي ځواکونو یو ځل بیا د یمن پر حدیده بندر هوایي بریدونه کړي دي.
د حوثیانو اړوند المسیره ټلوېزیون وايي، بریدونه تر هغه وروسته شوي، چې اسراییلي پوځ له راس عیسی، حدیده او الصلیف سیمو څخه د خلکو د وتلو امر ورکړی و.
تر اوسه په دغو بریدونو کې د اوښتو زیانونو په اړه څه نه دي ویل شوي.
اسراییلي ځواکونه وایي، دا بریدونه د یمن له خاورې د را توغول شوو توغندیو او بېپیلوټه الوتکو په غبرګون کې شوي دي.
