د پاکستان د کویټې په ختیځه بایپاس سیمه کې، د بکرا منډۍ ترڅنګ د نامعلومو موټرسايکل سپرو لهخوا د پولیسو پر موټر لاسي بم غورځول شوی دی، چې له امله یې د ایساېچاو په ګډون درې پولیس سرتېري ژوبل شوي دي.
چارواکي وایي، برید کوونکو د پولیسو موټر ته نژدې لاسي بم وغورځاوه، چې له امله یې زورور چاودنه وشوه.
په دې پېښه کې ایساېچاو سخت ټپي شوی او له نورو دوو ټپیانو سره روغتون ته لېږدول شوی دی.
پولیسو او امنیتي ځواکونو سیمه محاصره کړې او د لټون عملیات یې پیل کړی دی.
تر دې دمه چا د برید مسئولیت نهدی منلی.
