په کابل کې، د روسیې سفیر دیمیتري ژیرنوف، د طالبانو د حکومت د بهرنیو چارو له سرپرست وزیر امیرخان متقي سره لیدلي دي.
د طالبانو د بهرنیو چارو وزارت په وینا، دواړو لوریو د کازان غونډې د هوکړو، دوهاړخیزو کاري کمېټو او د اړیکو د نوي پړاو پر څرنګوالي خبرې کړي دي.
روسي سفیر، متقي ته د افغانستان لپاره د نوي نوماند سفیر د منلو رسمي یادداشت هم وسپاره او تمه یې وښوده چې د ډيپلوماتیکو اړیکو د پیاوړتیا له لارې به د دواړو هېوادونو همکاري لا پراخه شي.
