د سعودي عربستان د بهرنيو چارو وزير فیصل بن فرحان د لوړپوړو اقتصادي چارواکو په مشرۍ دمشق ته رسېدلی دی.
عربي رسنیو ویلي، چې دا سفر د سوريې د بيا رغونې او د دواړو هېوادونو ترمنځ د اقتصادي اړيکو د پياوړتيا په هدف ترسره شوی دی.
دغه پلاوی به د سوریې د موقت ولسمشر احمد شرع سره، د سيمهييز ادغام او ګډو اقتصادي پروژو په اړه خبرې اترې وکړي.
په پلاوي کې د شاهي دربار سلاکار محمد التویجري، او د ماليې، پانګونې او اقتصادي چارو مرستيالان شامل دي.
