ځایي سرچینې وایي چې په نورستان ولایت کې د تېر نظام یو پخوانی سیمه ییز پولیس د نامعلومو کسانو لخوا وژل شوی دی.
سرچینې زیاتوي چې یحیی نومی دا کس د جمعې په ورځ د واما ولسوالۍ د ارچڼو سیمې په «پکونا» نومي کلي کې په ډزو وژل شوی دی.
د پېښې د څرنګوالي او عاملینو په اړه ډېر جزئیات نه دي ورکړل شوي؛ خو د طالبانو حکومت سیمه ییزو چارواکو پېښه تایید کړې ده.
د نورستان د امنیه قوماندانۍ ویاند وایي، یحیی د شخصي دښمنۍ له امله وژل شوی او بریدګر له سیمې تښتېدلي دي.
د ده په وینا، هڅې روانې دي چې عاملین ونیول شي.
