د هند په پنچکوله سیمه کې د پورونو له امله د یوې کورنۍ ۷ غړو ځان وژنه کړې.
عیني شاهد پونیت رانا رسنیو ته ویلي، چې د شپې له خوا یې یو ولاړ موټر ولید، چې شپږ تنه پکې مړه وو، او یو تن د زنکدن پر مهال ورته ویلي چې له بانکونو ډېر پوروړي دي، خپلوانو یې مرسته نه ورسره کوله؛ نو مجبور شول زهر وخوري.
پولیسو دی روغتون ته رسولی وو؛ خو بیا یې هم ساه ورکړه.
په وژل شویو کسانو کې ۴۲ کلن پربین متل، د هغه مور، پلار، مېرمن، دوه لوڼې او یو زوی شامل دي.
یادې پېښې په ټولنیزو رسنیو کې پراخ غبرګونونه راپارولي دي.
