د ناروې د کډوالو شورا مشر یان ایګلند وايي، د هیوادونو استازي دې د میرمنو د حقونو د مبارزې لپاره باید کابل او کندهار ته سفر وکړي.
ایګلنډ له فرانسې خبري اژانس سره په مرکه کې ویلي، چې نړیوالې ټولنې په افغانستان د طالبانو تر بیا واکمنېدو وروسته د دغه هیواد خلکو ته شا کړې.
نوموړي دغه راز ویلي، چې يواځې د محدودو اروپايي هیوادونو استازي افغانستان ته سفر کوي.
نوموړي دغه راز زیاته کړې، چې له نادولتي موسسو څخه د ښځو د ایستلو او د پروژو د ځنډېدو لامل د بودیجې نشتوالی دی.
