د مقاومت په نوم جبهې د طالبانو حکومت د اوبو او انرژۍ وزارت د سرپرست وزیر عبداللطیف منصور پر موټریز کاروان د برید مسوولیت منلی.
یادې ډلې ویلي، دا برید یې نن سه شنبه د کابل شمالي دروازې خیرخانې کوتل سیمه کې کړی دی.
دوی په یوې خبرپاڼې کې زیاتوي، چې په برید کې د عبداللطیف منصور یو ساتوونکی وژل شوی او یو شمېر مهم طالب چارواکي ټپیان شوي دي.
د یادونې ده، چې نن د کابل په شکر درې کې د شاه او عروس بند پرانېسته وه، چې د طالبانو حکومت د اوبو او انرژۍ سرپرست وزیر هم په دغو مراسمو کې د ګډون لپاره تللی وو.
