د طالبانو حکومت د تحریر الشام ډلې له لوري د سوریې حکومت نسکورولو او واک ته د یادې ډلې رسېدو له کبله مبارکي ویلي.
د طالبانو بهرنیو چارو وزارت څخه خپره شوې خبرپاڼه کې راغلي، چې دوی د سوریې له حکومت او تحریر الشام ډلې څخه غواړي چې واک په داسې ډول منتقل کړي، ترڅو د میلیونونو سوریایي وګړو ارمانونه پوره شي.
خبرپاڼه کې له تحریر الشام غوښتل شوي چې عمومي عفوه وکړي او ټول په ځان راټول کړي.
د طالبانو حکومت دغه راز له بهرنیو لوریو هم غوښتي چې له تحریر الشام سره مثبت سیاست وکړي.
