د افغانستان لپاره د چین ځانګړي استازي یو شیایونګ ویلي، چین د افغانستان په کورنیو چارو کې لاسوهنه نه کوي.
هغه له نړۍ غوښتي، چې د افغانستان جیوپولټیک ارزښت ته په کتو دې دغه هېواد د سیالیو پرځای د همکارۍ په بستر بدل کړي.
یو شیایونګ پر لویدیځ نیوکه کړې چې له افغانستان څخه د نړیوالې ټولنې فکر بل لورته اړوي.
نوموړي ویلي، افغانستان کې یوازې د ښځو مسئله نه؛ بلکې نور ګڼ مسائل هم شته چې پام ورته وشي.
