شنبه, نوومبر 21, 2026
Homeافغانستانپه جنیوا انسټیټیوټ کې په افغانستان کې د ښځو د وضعیت د...

په جنیوا انسټیټیوټ کې په افغانستان کې د ښځو د وضعیت د ارزونې لپاره یوه غونډه جوړه شوه

دا غونډه چې د افغانستان لپاره د فکر خوراک (Food for Thought Afghanistan) په نوم د یوې موسسې په نوښت ترسره شوه، پکې د ښځو د حقونو یو شمېر مدافعینو، د مدني ټولنې فعالانو او د کډوالو په چارو کې د ملګرو ملتونو د عالي کمیشنرۍ (UNHCR)، مشر فیلیپو ګرانډي ګډون کړی و.

د معلوماتو له مخې د دې غونډې اصلي موخه د افغان ښځو د غږ ملاتړ کول او د اکاډمیکو او علمي لارو څخه د هغوی د کړاوونو، مبارزو او غوښتنو په ډاګه کول وو، ګډونوالو، چې بېلابېل لیدلوري او تجربې یې لرلې، د افغانستان له ښځو او نجونو سره د پیوستون پر اړتیا ټینګار وکړ او ویې ویل چې باید ډاډ ترلاسه شي چې د هغوی غږ اکاډمیکو او نړیوالو بنسټونو ته ورسېږي.

ویناوالو همدارنګه د افغان ښځو د غږ د پیاوړي کولو، د هغوی د بشري حقونو د دفاع او د هغوی د مبارزو د راپورته کولو پر لارو چارو خبرې وکړې او له نړیوالو بنسټونو یې وغوښتل چې په افغانستان کې د ښځو وضعیت ته ډېره پاملرنه وکړي او په دې برخه کې مدني او علمي همکارۍ پیاوړې کړي.

اړونده مطالب

LEAVE A REPLY

Please enter your comment!
Please enter your name here