شنبه, نوومبر 21, 2026
Homeټکنالوژيامریکا او چین هوکړه کړې چې په لویو پوځي عملیاتو کې به...

امریکا او چین هوکړه کړې چې په لویو پوځي عملیاتو کې به د مصنوعي ځیرکتیا پرېکړې د انسانانو تر څارنې لاندې وي

د امریکا ولسمشر ډونالډ ټرمپ او د چین ولسمشر شي جین‌پینګ هوکړه کړې چې د مصنوعي ځیرکتیا پر مټ په پوځي پرېکړو کې به د انسانانو ونډه خوندي وي او دغه ټکنالوژي به په خپلواکه توګه د لویو پوځي عملیاتو د پیلولو واک نه لري.

د رویټرز د راپور له مخې، د امریکا د خزانې وزیر سکاټ بېسنټ ویلي، دغه هوکړه د ټرمپ د اسیايي سفر له مهمو پایلو ده. نوموړي له سي‌اېن‌بي‌سي سره په مرکه کې ټینګار کړی چې د انسانانو له ګډون پرته باید هېڅ لوی پوځي عملیات پیل نه شي.

بېسنټ ویلي، د مصنوعي ځیرکتیا په برخه کې د واشنګټن او بېجینګ سیالي به د دې اصل پر عملي کېدو اغېز ونه کړي.

نوموړي همداراز ویلي، امریکا باید د مصنوعي ځیرکتیا په ټکنالوژۍ کې خپل برلاسی وساتي، ځکه د هغه په وینا، د چین ځینې مصنوعي ځیرک ماډلونه په سایبري بریدونو کې کارول کېږي.

د راپور له مخې، بېسنټ دغه څرګندونې د ټرمپ او شي جین‌پینګ له لیدنې وروسته کړې دي. خو د هوکړې د عملي کېدو د څرنګوالي او د هغې د رسمي لیکلي سند په اړه یې جزئیات نه دي ورکړي.

اړونده مطالب

LEAVE A REPLY

Please enter your comment!
Please enter your name here