شنبه, نوومبر 21, 2026
Homeسیمهعراقچي: د ایران ۶۰ سلنه غني شوی یورانیم به له هېواده بهر...

عراقچي: د ایران ۶۰ سلنه غني شوی یورانیم به له هېواده بهر ونه لېږدول شي

د ایران د بهرنیو چارو وزیر عباس عراقچي وایي، تهران چمتو دی چې د خپل ۶۰ سلنه غني شوي یورانیمو د زېرمو په اړه له خبرو اترو سره یوې هوکړې ته ورسېږي، خو ټینګار کوي چې دغه یورانیم به له هېواده بهر ونه لېږدوي.

عراقچي د «ایران» ورځپاڼې سره په مرکه کې ویلي، د یورانیمو د غني کولو په اړه عادلانه حل‌لارې ته رسېدل شوني دي، خو دا موضوع باید د یوې پراخې هوکړې په چوکاټ کې وڅېړل شي، څو د ایران ملي ګټې خوندي شي.

نوموړي له امریکا سره د خبرو اترو په اړه ویلي، تهران د اوسني «نه جګړې او نه سولې» وضعیت پر ځای د یوې دوامدارې هوکړې غوښتونکی دی، چې د بلې جګړې مخه ونیسي؛ خو په خبره یې، ایران داسې امتیازات نه مني چې واشنګټن یې د خپلې بریا په توګه وړاندې کړي.

عراقچي زیاته کړې، تهران او واشنګټن د قطر او پاکستان له لارې د پیغامونو او وړاندیزونو تبادلې ته دوام ورکوي. هغه همداراز د سیمې د امنیت لپاره د سیمه‌ییزې همکارۍ پر پراختیا ټینګار کړی دی.

اړونده مطالب

LEAVE A REPLY

Please enter your comment!
Please enter your name here