د میکروبونو د درملو پر وړاندې د مقاومت د مخنیوي په موخه د پوهاوي نړیواله اوونۍ نن پیل شوه.
د پوهاوي نړیواله اونۍ (د نومبر ۱۸مه) پیل او د همدې میاشتې تر ۲۴مې به دوام وکړي.
د روغتیا نړیوال سازمان وايي، د انټيبیوټیکونو او نورو میکروب ضد درملو ناسم او بېځایه استعمال د درملو پر وړاندې د میکروبونو مقاومت زیاتوي او د انتاني ناروغیو درملنه ستونزمنوي.
د سږ کال د کمپاین شعار «یو روغتیا، یو اقدام؛ همدا اوس د درملو پر وړاندې د مقاومت مخه ونیسئ» دی.

