د ملګرو ملتونو سرمنشي انتونیو ګوتریش وايي، د مخ پر زیاتېدو شخړو په شرایطو کې د دوامدارې سولې یوازینۍ لار د نړیوالو قوانینو رعایت، د شخړو د اصلي لاملونو حل او د سیاسي حللارو تعقیبول دي.
ګوتریش پر نړیوالو مشرانو غږ کړی چې د جګړو د درولو، د انسانانو د وژنې د پای ته رسولو او د داسې نړۍ د جوړولو لپاره سیاسي اراده وښيي چې سوله پکې د ټولو لپاره تضمین وي.
نوموړي ټینګار کړی چې د جګړو د پای ته رسولو او د تلپاتې سولې د ټینګښت لپاره باید سیاسي حللارې ته لومړیتوب ورکړل شي.

