د ایران شاوخوا ۱۸۰ سوداګر، پانګهوال او اقتصادي فعالان د سوداګریزو اړیکو د پراختیا او د امام ابوحنیفه نړیوال نندارتون کې د ګډون لپاره کابل ته رسېدلي دي.
د افغانستان ـ ایران ګډې سوداګرۍ خونې په خبرپاڼه کې ویلي، د دغه پلاوي مشري د ایران او افغانستان د ګډې سوداګرۍ خونې مشر محمود سیادت کوي.
د پلاوي د سفر په ترڅ کې به له افغان سوداګرو او پانګهوالو سره د ګډو پانګونو، د سوداګرۍ د پراختیا او د دواړو هېوادونو ترمنځ د اقتصادي همکاریو د زیاتولو په اړه خبرې هم وشي.
