اپل وايي، په خپل مېک کمپیوټرونو کې به داسې نوي امنیتي خبردارۍ اضافه کړي کله چې د مصنوعي ځیرکتیا (AI) یو پروګرام د دوی د کمپیوټر معلوماتو ته پراخ لاسرسی غواړي نو دوی ته به ښودل کیږي.
دا پرېکړه وروسته له هغې شوې چې د Meta د «Muse» په نوم د AI پروګرام په اړه ځینو کاروونکو شخصي معلوماتو ته د لاسرسي شکایتونه وکړل. Meta بیا ویلي چې Muse یوازې د کاروونکي په اجازه پیغامونو او نورو معلوماتو ته لاسرسی موندلی شي.
اپل وايي، په مېک کې د Full Disk Access ځانګړنه ځینو پروګرامونو ته د کمپیوټر ډېرو معلوماتو ته د لاسرسي اجازه ورکوي.
شرکت غواړي د دې لپاره اضافي کنټرولونه جوړ کړي، څو کاروونکي په روښانه ډول خبر شي چې کوم پروګرام ته یې څومره پراخ لاسرسی ورکړی دی.
د اپل په وینا، دغه بدلونونه د کاروونکو د شخصي معلوماتو د خوندي کولو او د AI پروګرامونو د پراخ لاسرسي په اړه د لا روښانه خبرتیا لپاره دي.
