د افغانستان پریمیر لیګ یا ای پي اېل د ډرافټ یا د لوبغاړو د پېرنې مراسم چې ټاکل شوې وه نن ترسره شي، وځنډول شول او همداراز د لوبغاړو د نوملیکنې بهیر وغځېد.
د افغانستان کرکټ بورډ د مراسمو د ترسراوي لپاره د اکټوبر ۲۴مه نېټه اعلان کړې.
کرکټ بورډ ویلي، د نوملیکنې د مودې غځول به ګډون کوونکو لوبډلو ته نور وخت ورکړي، څو ثبت شوي لوبغاړي په ښه ډول وارزوي، او همداراز به د ډرافټ لپاره د ګډون کوونکو لوبغاړو شمېر زیاتولو کې مرسته وکړي.
خو د پریمیر لیګ دوه لوبډلې لا هم نه دي پلور شوي شوي او ښایي له همدې امله یې هم د ډرافټ مراسم وروسته شوې وي.
