د افغانستان د پخواني حکومت د چارو ادارې رئیس فضل محمود فضلي د پاکستان وروستیو هوایي بریدونو ته په غبرګون کې ویلي، افغانستان اوس د «انزوا او پروټکټریت» له داسې وضعیت سره مخ دی چې ان د شاه شجاع د واکمنۍ پر مهال هم نه و.
فضلي په یوه ټویټ کې ادعا کړې چې له واشنګټن، مسکو او بروکسل نیولې، د پاکستان د بمباریو او د افغانستان د ځمکنۍ بشپړتیا پر وړاندې د دغه هېواد د اقداماتو توجیه کېږي.
نوموړي ټینګار کړی چې د بهرنیو هېوادونو پر ځای باید د افغانستان دننه ولسي انسجام ته لومړیتوب ورکړل شي او ویلي یې دي: «د بهرنیانو دروازې مه ټکوئ!»
