د جهادي مشر عبدالرب رسول سیاف زوی او د دعوت پوهنتون پخوانی استاد حبیبالرحمن سیاف ایلم نیوز ته ویلي چې د طالبانو د حکومت د لوړو زدهکړو وزارت له لوري د دغه پوهنتون لپاره د لنډمهالې رهبرۍ ټاکل د پوهنتون د ادارې د بدلون هڅه ده.
سیاف ویلي، که د دعوت پوهنتون موضوع یوازې حقوقي دعوه وی، نو د پوهنتون د رهبرۍ د بدلون اړتیا نه وه او قضیه یې باید د قانوني بهیر له لارې تعقیب شوی وی.
نوموړي زیاته کړې چې دعوت پوهنتون یو علمي او اداري بنسټ دی او چارې یې باید له سیاسي موضوعاتو جلا وساتل شي.
