په نړیوالو اړیکو کې د ملګرو ملتونو د سرمنشي مرستیالې میلیسا فلیمېنګ خبر ورکړی چې د بشري مرستو د بودجې د کمېدو له امله په افغانستان کې له ۱۰۰ ډېر د ماشومانو د خوارځواکۍ د درملنې مرکزونه تړل شوي دي.
مېرمن فلیمېنګ وايي، په افغانستان کې ۳.۷ میلیونه ماشومان له حادې خوارځواکۍ سره مخ دي چې شاوخوا یو میلیون یې له ژوند ګواښوونکې شدیدې خوارځواکۍ رنځ وړي.
ویل کیږي د دغو مرکزونو تړل کېدو د خوارځواکو ماشومانو لپاره درملنې او اړینو تغذیوي خدمتونو ته لاسرسی ستونزمن کړی.
