د ایران په کلګان سیمه کې د افغان کډوالو د وژلو قضیې په اړه د طالبانو حکومت پلاوي خپلې لومړنۍ پایلې اعلان کړې.
د طالبانو حکومت مرستیال ویاند حمدالله فطرت د یاد پلاوي د څېړلو په اړه ویلي، چې د موندنو له مخې، هلته دوه کسان وژل شوي او یو شمېر نور ټپیان دي.
د سرچینې د معلوماتو له مخې، د وژل شویو تر څنګ ۳۴ کسان چې د پېښې عیني شاهدان وو؛ هېواد ته رالېږدول شوي.
لاهم د یاد پلاوي څېړنې نه دي بشپړې شوې.
