د یمن پوځ ویلي د ایران ملاتړو حوثیانو په مأرب او حضرموت ولایتونو کې د حکومت اړوند پر څو پوځي کمپونو د بالستیک توغندیو او ځانمرګو بېپیلوټه الوتکو بریدونه کړي دي.
د پوځ په وینا، په دغو بریدونو کې لږ تر لږه ۱۷ سرتېري او یو افسر وژل شوي دي.
د یمن پوځ په یوه خبرپاڼه کې ویلي چې وسلهوال ځواکونه لا هم په بشپړ چمتووالي خپلو دندو ته دوام ورکوي او دا بریدونه به د دولتي ادارو د بېرته ټینګولو او پر ټول هېواد د حاکمیت د پراخولو لپاره د دوی هوډ نور هم پیاوړی کړي.
