د کرکټ نړیوالې شورا (ICC) په تازه اعلان شوې درجهبندۍ کې د افغانستان دوه مخکښ لوبغاړي لا هم په خپلو فارمټونو کې د نړۍ لومړي مقامونه لري.
د يادې شورا د معلوماتو له مخې، راشد خان د یو ورځنیو نړیوالو سیالیو د توپاچوونکو په درجهبندۍ کې خپل لومړی مقام ساتلی دی.
د انګلستان جوفرا آرچر درېیم، د نیوزیلنډ مېچل سېنټنر څلورم او د پاکستان شاهین شاه اپرېدی د دوو درجو پرمختګ وروسته اووم مقام ته رسېدلی دی.
د آلراونډرانو په درجهبندۍ کې هم د افغانستان عظمتالله عمرزي لا هم د نړۍ لومړی مقام ساتلی دی.
د نیوزیلنډ مایکل بریسویل د دوو درجو پرمختګ وروسته درېیم ځای ته پورته شوی دی.
په همدې درجهبندۍ کې د افغانستان رحمانالله ګربز، د سریلانکا پتم نسانکا او د پاکستان سلمان علي اغا هم پرمختګ کړی او په ترتیب سره یې ۱۴م، ۱۵م او ۱۶م مقامونه ترلاسه کړي دي.
د توپوهونکو په درجهبندۍ کې د نیوزیلنډ ډېرل مېچل لا هم د نړۍ په لومړي مقام کې دی.
