د نوبل د سولې د جایزې ګټونکې ملاله یوسفزۍ وایي، د مکسیکو له ولسمشرې کلاودیا شینباوم سره یې پر افغان نجونو د لګېدلو بندیزونو په اړه خبرې کړي دي.
ملالې یوسفزۍ په خپلې ایکسپاڼه لیکلي، چې افغان ښځې او نجونې په سیستماتیک ډول د طالبانو له لوري له ټولو حقونو محرومېږي.
دا په داسې حال کې ده چې له تېرو درې کالو راهیسې د افغان نجونو پر مخ ښوونځي او پوهنتونونه د طالبانو حکومت له لوري تړل شوي دي.
بل لورته تېره ورځ د طالبانو حکومت د کورنیو چارو وزیر سراج الدین حقاني نیویارک ټایمز سره په مرکه کې ویلي، چې د نجونو پر زده کړو بندیز دایمي نه دی.
