نن پنجشنبه د ایران په پلازمېنه تهران کې د بشري حقونو یو شمېر افغان فعالانو او معترضو ښځو د ملګرو ملتونو د دفتر مخې ته د هرات او د افغانستان د نورو ښځو په ملاتړ اعتراض وکړ.
معترضانو د افغان ښځو سره خپل پیوستون څرګند کړ او له ملګرو ملتونو او نړیوالې ټولنې یې وغوښتل چې خپله چوپتیا پای ته ورسوي او د ښځو د حقونو د خوندیتوب لپاره عملي اقدامات وکړي.
دغه اعتراض وروسته له هغې ترسره شو چې په هرات کې د ښځو او نجونو د نیولو پر ضد لاریونونه د طالب سرتېرو له زور زیاتي سره مخ وشول.
د ملګرو ملتونو او بشري حقونو بنسټونو د هرات د وروستیو پېښو او د لاریون کوونکو پر ضد د زور کارولو په اړه اندېښنه ښودلې ده.
