د اطلاعاتو او کلتور پخواني وزیر کریم خرم د ښځو د نیولو د ادعا شویو راپورونو په اړه اندېښنه څرګنده کړې او ویلي یې دي چې د ښځو عزت او درناوی د افغان کلتور او اسلامي ارزښتونو مهمه برخه ده.
خرم په خپل ایکس پاڼې کې لیکلي، که د ښځو د نیولو او ناسم چلند راپورونه رښتیا وي، نو دا «د ډېرې خواشینۍ وړ» موضوع ده.
هغه زیاته کړه هیله لري یادې ښځې په عزت او احترام آزادې شي او په راتلونکې کې د ورته پېښو د مخنیوي لپاره لازم اقدامات وشي.
د اطلاعاتو او کلتور پخواني وزیر ټینګار کړی چې د ښځو کرامت او انساني حیثیت باید په هر ډول شرایطو کې خوندي وساتل شي او له هغوی سره چلند د ټولنې له دیني او کلتوري ارزښتونو سره سم وي
