د کورنیو چارو پخواني وزیر عمر داودزی د ازبکستان له لوري افغانستان ته د شلو فابریکو د انتقال خبر یو «غوره او ستر اقتصادي اقدام» بللی او ویلي یې دي چې افغانستان یوازې د پایدار اقتصاد، پانګونې او د کارموندنې له لارې له اوسني بحرانه راوتلی شي.
ښاغلي داودزي ټینګار کړی چې افغانستان او ازبکستان نه یوازې ګډه پوله، بلکې ګډ تاریخ، فرهنګ او اقتصادي ګټې لري، او د دواړو هېوادونو د اړیکو پیاوړتیا د مرکزي او جنوبي اسیا د سولې، ثبات او اقتصادي راتلونکې لپاره حیاتي ارزښت لري.
