د ملګرو ملتونو تر ټولو سترې نړیوالې محکمې په یوې مهمې او تاریخي پرېکړې کې ویلي، د کارګرانو او اتحادیو د اعتصاب حق د نړیوال کار قانون له مخې خوندي او قانوني حق دی.
دا پرېکړه د نړۍ د کارکوونکو لپاره لوی بری بلل کېږي او تمه ده چې په بېلابېلو هېوادونو کې د کار قوانینو او د کارګرانو د حقونو پر وضعیت اغېز وکړي.
کارپوهان وایي، دا پرېکړه افغانستان ته هم مهمه ده، ځکه افغان کارکوونکي، ښوونکي، روغتیايي کارکوونکي او بشري مرستندوی بنسټونه له اقتصادي ستونزو، د معاشونو ځنډ او کاري محدودیتونو سره مخ دي.
د ملګرو ملتونو وروستي راپورونه ښيي چې افغانستان لا هم له بشري او اقتصادي کړکېچ سره مخ دی او زرګونه کسان د کار او اساسي حقونو له ستونزو کړېږي.
