د طالبانو حکومت د عدلیې وزارت ویلي، چې د ښځې او مېړه د جلاوالي او تفریق په اړه نوې اصولنامه د دغه حکومت د مشر شېخ هبت الله اخندذاده له منظورۍ وروسته په رسمي جریده کې خپره شوې ده.
د یاد وزارت په وینا، دغه اصولي سند د یوې مقدمې، دوو برخو، دولسو فصلونو او ۳۱ مادو څخه جوړ دی، چې د مېړه او میرمنې ترمنځ د بېلابېلو حقوقي او شرعي شرایطو له مخې د جلاوالي چوکاټ ټاکي.
همداراز په دې اصولنامه کې قضایي محاکمو ته واک ورکړل شوی، څو د اړوندو شرایطو د ثابتېدو په صورت کې د ښځې او مېړه ترمنځ د تفریق پرېکړه وکړي.
